ජනාධිපති අරමුදල විමධ්‍යගත කිරීමේ ක්‍රියාවලියට අදාලව නව පද්ධතිය හඳුන්වා දීමෙන් පසු සිදු කළ පළමු වෛද්‍යාධාර ගෙවීම අද දින (2025.03.14) සිදු කෙරිණි.
ජනාධිපති අරමුදල මඟින් සිදු කරනු ලබන වෛද්‍යාධාර ලබාදීමේ කාර්යය 2025.02.07 වන දින සිට ප්‍රාදේශීය මට්ටමින් විමධ්‍යගත කළ අතර, එහිදී මහජනතාවට තමන්ට අයත් ප්‍රාදේශීය ලේකම් කාර්යාලය හරහා අයදුම්කිරීමේ අවස්ථාව උදා කර දෙනු ලැබිණි.
ඒ් අනුව 205.02.21 වන දින මාතර දිස්ත්‍රික්කයේ පස්ගොඩ ප්‍රාදේශීය ලේකම් කාර්යාලය මඟින් පද්ධතියට ඇතුළත් කරන ලද අයදුම්පත්‍රයට අදාල ගෙවීම් අද දින පස්ගොඩ ප්‍රාදේශීය ලේකම් කාර්යාලයීය නිලධාරීන් විසින් සිදු කෙරිණි.
